Iravaban.net–ը ուսումնասիրել է Իրավական ակտերի նախագծերի հրապարակման միասնական հարթակում հանրային քննարկման ներկայացված նախագիծը, որով նախատեսվում է փոփոխություններ կատարել Գեղարքունիքի մարզի Սևան համայնքի 2026 թվականի տեղական տուրքերի և դրույքաչափերի վերաբերյալ գործող որոշման մեջ։ Նախագծի ընդունումը պայմանավորված է «Տեղական տուրքերի և վճարների մասին» օրենքում 2026 թվականին կատարված մի շարք փոփոխություններով և լրացումներով։
Իրավական ակտի անհրաժեշտությունը
«Հայաստանի Հանրապետության Գեղարքունիքի մարզի Սևան համայնքի ավագանու՝ 2025 թվականի նոյեմբերի 18-ի «Հայաստանի Հանրապետության Գեղարքունիքի մարզի Սևան համայնքում 2026 թվականի համար տեղական տուրքերը և դրույքաչափերը սահմանելու մասին» թիվ 125-Ն որոշման մեջ թիվ 1 Հավելվածում լրացումներ կատարելու մասին» որոշման նախագծի ընդունման անհրաժեշտությունը պայմանավորված է 2026թվականի մարտի 25-ի «Տեղական տուրքերի և վճարների մասին» ՀՀ օրենքում փոփոխություններ և լրացումներ կատարելու մասին» N 129-Ն, 2026թվականի ապրիլի 7-ի «Տեղական տուրքերի և վճարների մասին» ՀՀ օրենքում փոփոխություններ և լրացումներ կատարելու մասին» N 140-Ն, 2026թվականի հուլիսի 3-ի «Տեղական տուրքերի և վճարների մասին» ՀՀ օրենքում փոփոխություններ և լրացումներ կատարելու մասին» N 332-Ն, 2026թվականի հուլիսի 3-ի «Տեղական տուրքերի և վճարների մասին» ՀՀ օրենքում փոփոխություններ և լրացումներ կատարելու մասին» N 338-Ն օրենքների պահանջներով։
Առկա իրավիճակը
Անհրաժեշտություն է առաջացել որոշման նախագծում կատարելու լրացումներ՝ պայմանավորված օրենսդրությունից բխող պահանջներով։
Կարգավորման առարկան
Լրացումներ կատարելու գործընթացն ապահովվում է «Տեղական ինքնակառավարման մասին», «Տեղական տուրքերի և վճարների մասին» ՀՀ օրենքներով:
Իրավական ակտի կիրառման դեպքում ակնկալվող արդյունքը
Համայնքի բյուջեի եկամուտների՝ տեղական տուրքերի և վճարների արդյունավետ և օրենսդրությանը համապատասխան հավաքագրման ապահովում։
Նախագծի մշակման գործընթացում ներգրավված անձինք
Նախագծի մշակման գործընթացում ներգրավված անձինք են՝
– համայնքի ղեկավար
– համայնքապետարանի աշխատակազմի ֆինանսատնտեսագիտական, եկամուտների հաշվառման և հավաքագրման բաժին