Սննդամթերքի անվտանգության տեսչական մարմինը (ՍԱՏՄ) տեղեկացնում է, որ Արաբական Միացյալ Էմիրություններ են արտահանվել 60 տոննա հայկական ձուկ և ձկնամթերք։
ՍԱՏՄ-ի փոխանցմամբ՝ հաշվի առնելով ԱՄԷ շուկայում առկա մեծ պահանջարկը՝ պատրաստ են ձկնաբուծությամբ և արտահանմամբ զբաղվող շահագրգիռ ընկերություններին կապել ԱՄԷ արտահանող կազմակերպության հետ՝ հետագա համագործակցության նպատակով։
Պահանջվող արտադրանքը իշխան ձուկն է՝ 4 կգ և ավելի քաշով, որը պետք է համապատասխանի անվտանգության սահմանված պահանջներին։
ՍԱՏՄ-ն առաջարկում է համապատասխան խմբաքանակներ ունեցող և արտահանող կազմակերպության հետ համագործակցելու պատրաստ ընկերություններին կապ հաստատել տեսչական մարմնի հետ։