Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Օգոստոսի 30-ին ողբերգական դեպք է տեղի ունեցել Երևանում։ Նուբարաշեն թաղամասի տներից մեկի բակում տղամարդու դի է հայտնաբերվել։ Այս մասին հայտնում է Past.am-ը՝ հղում անելով Shamshyan.com-ին։
Ժամը 21։30-ի սահմաններում ոստիկանության Նուբարաշենի բաժնում օպերատիվ տեղեկություն է ստացվել, որ նշված հասցեում դի կա։ Դեպքի վայր են մեկնել ոստիկանության օպերատիվ խումբը և պարեկային ծառայության աշխատակիցները։
Տեղում պարզվել է, որ տեղեկությունը հավաստի է։ Տան բակում՝ մուտքի դիմաց, հայտնաբերվել է տղամարդու կախված դի։
Դեպքի մասին տեղեկացվել է նաև ՀՀ քննչական կոմիտեի համապատասխան քննչական բաժինը, որտեղից դեպքի վայր է մեկնել քննչական խումբը։
Դեպքի փաստով նախաձեռնվել է քրեական վարույթ, իրականացվում են անհրաժեշտ քննչական գործողություններ։
Ըստ նախնական տեղեկությունների՝ մահացածը 31-ամյա տղամարդ է։ Ֆոտոլրագրող Գագիկ Շամշյանի տեղեկություններով՝ դեպքից առաջ նա ընտանիքի անդամների հետ տանն է եղել։ Հարազատները պատրաստվելիս են եղել միջոցառման մեկնելու, սակայն տղամարդը հայտնել է, որ որոշ գործեր ունի և չի ցանկանում միանալ նրանց։
Ավելի ուշ, երբ ընտանիքի անդամները վերադարձել են տուն, նրան հայտնաբերել են մահացած։
Դեպքի հանգամանքներն ու մահվան պատճառները պարզվում են վարույթի շրջանակում։
Հետևեք մեզ՝ այստեղ