Լիոնել Մեսսիի ժառանգությունը հավերժ կմնա Արգենտինայի ֆուտբոլի ազգային հավաքականի երկրպագուների սրտերում։ Այս մասին հայտարարել են Արգենտինայի ազգային հավաքականի մամուլի ծառայությունից։
Ավելի վաղ Մեսսին հայտնել էր Արգենտինայի հավաքականում ելույթներն ավարտելու մասին։
«Շնորհակալություն մեր կյանքի ամենագեղեցիկ ճանապարհորդությունը մեզ նվիրելու համար։ Ձեր ժառանգությունն ու պրոֆեսիոնալիզմը հավերժ կմնան մեր սրտերում։ Շնորհակալություն, կապիտան»,- ասված է հայտարարությունում։
Մեսսին 39 տարեկան է։ 2023 թվականից նա հանդես է գալիս Հյուսիսամերիկյան ֆուտբոլի գլխավոր լիգայի (MLS) «Ինտեր Մայամի» ակումբում։ Եվրոպայում արգենտինացին խաղացել է ֆրանսիական ՊՍԺ-ում և իսպանական «Բարսելոնայում», որի կազմում չորս անգամ նվաճել է Չեմպիոնների լիգան, երեքական անգամ՝ ՈւԵՖԱ-ի Սուպերգավաթն ու ակումբային աշխարհի առաջնության գավաթը։
Հարձակվողը աշխարհի չեմպիոն է (2022), աշխարհի առաջնությունների կրկնակի արծաթե մեդալակիր (2014, 2026), օլիմպիական չեմպիոն (2008) և Ամերիկայի գավաթի կրկնակի հաղթող (2021, 2024)։ Մեսսին ռեկորդակիր է «Ոսկե գնդակների» քանակով։
Արգենտինայի հավաքականի կազմում Մեսսին անցկացրել է 207 հանդիպում և խփել 125 գոլ։ Նա ազգային հավաքականի ռեկորդակիրն է երկու ցուցանիշներով էլ։ Հարձակվողը մասնակցել է աշխարհի վեց առաջնության։