Կոմունալ վճարումների նոր ռեկորդ․ հայտնի քաղաքն աշխարհում առաջինն է

Գերմանիայի մայրաքաղաք Բեռլինը ճանաչվել է աշխարհի ամենաթանկ կոմունալ վճարներ ունեցող խոշոր քաղաքը՝ ըստ Deutsche Bank-ի պատվերով իրականացված միջազգային հետազոտության: Վերլուծաբանները համեմատել են 85 քառակուսի մետր մակերեսով բնակարանների էլեկտրաէներգիայի, ջրամատակարարման, ջեռուցման, հովացման և աղբահանության միջին ամսական ծախսերը։ Տվյալները հաշվարկվել են եվրոյով՝ 2026 թվականի օգոստոսի 28-ի փոխարժեքով:

Ուսումնասիրության տվյալներով՝ վերջին մեկ տասնամյակում Բեռլինում կոմունալ ծառայությունների արժեքն աճել է 48%-ով՝ ամսական 239 եվրոյից հասնելով 353 եվրոյի: Բացի մայրաքաղաքից, առաջատար տասնյակում են հայտնվել գերմանական ևս երկու քաղաքներ՝ Մյունխենը (6-րդ տեղ, 325 եվրո) և Ֆրանկֆուրտը (7-րդ տեղ, 323 եվրո): Աշխարհի ամենաթանկ կոմունալ վճարներով առաջին տասնյակն ունի հետևյալ տեսքը.

1. Բեռլին (353 եվրո)
2. Թել Ավիվ (341 եվրո)
3. Օսլո (330 եվրո)
4. Լոնդոն (329 եվրո)
5. Էդինբուրգ (326 եվրո)
6. Մյունխեն (325 եվրո)
7. Ֆրանկֆուրտ (323 եվրո)
8. Վարշավա (294 եվրո)
9. Վիեննա (292 եվրո)
10. Բիրմինգհեմ (287 եվրո)

Միաժամանակ, Բեռլինի վարձակալների ասոցիացիայի փորձագետները քննադատել են հրապարակված արդյունքները: Rbb-ի փոխանցմամբ՝ մասնագետները նշել են, որ տարբեր տարածաշրջաններում սակագների ձևավորման մեխանիզմները տարբեր են, իսկ Գերմանիայում գների վրա էականորեն ազդում է աշխատուժի բարձր արժեքը՝ պայմանավորված նվազագույն աշխատավարձի մակարդակով: