Վրաստանում երկրաշարժ է գրանցվել․ ցնցումները զգացվել են նաև Հայաստանում

Այսօր` օգոստոսի 24-ին՝ ժամը 18։04-ին, Վրաստանում՝ Դմանիսի քաղաքից 13 կմ արևմուտք, 2,9 մագնիտուդով երկրաշարժ է գրանցվել։ Այս մասին հայտնում է ՀՀ ՆԳՆ-ն։

Երկրաշարժի օջախը գտնվել է 10 կմ խորության վրա։ Էպիկենտրոնային գոտում ցնցման ուժգնությունը կազմել է 4 բալ։

Երկրաշարժը զգացվել է նաև Հայաստանի մի շարք բնակավայրերում։ Շիրակի մարզի Բավրա, Սարագյուղ և Սիզավետ, ինչպես նաև Լոռու մարզի Պաղաղբյուր, Ձյունաշող և Մեծավան գյուղերում ցնցումների ուժգնությունը կազմել է 2-3 բալ։