Հանգստյան օրերին Ջերմուկում իսկական տոն էր, այստեղ կազմակերպվել է «Jermuk City Fest 2026»-ը։ Նման միջոցառում առաջին անգամ է անցկացվել։ Միջոցառման կազմակերպման հարցում կարևորագույն տեղն ունեն հովանավորները՝ Ջերմուկի համայնքապետարանը, «Ջերմուկ Գրուպ» ընկերությունը և «Լիդիան Արմենիա» ընկերությունը։ Տարաբնույթ միջոցառումները, տարբեր ոլորտների ներկայացուցիչների մասնակցությունը Ջերմուկն ավելի գունեղ ու հեքիաթային էր դարձրել։ Միջոցառման պաշտոնական մասում շնորհակալագրերի հանձնման շրջանակում առանձնահատուկ ուշադրություն է դարձվել Ջերմուկի զարգացմանը նպաստող կազմակերպություններին և անհատներին՝ հյուրանոցներին, առողջարաններին, զբոսաշրջային ընկերություններին, համայնքային և այլ կառույցներին։ Փառատոնին մասնակցել են տարբեր ոլորտները ներկայացնող ընկերություններ։