«Ես Վեհափառ Հայրապետի սեռական կյանքով չեմ հետաքրքրվում։ Դա ընդհանրապես պարկեշտության սահմաններից դուրս է՝ հետաքրքրվել, թե ով ինչ սեռական կյանքով է ապրում»,- «Իշխանության» հետ զրույցում ասել է ԱԺ «Հայաստան» խմբակցության պատգամավոր Արթուր Խաչատրյանը՝ անդրադառնալով Նիկոլ Փաշինյանի այսօրվա ելույթին։ «Հանցագործությունը, որը վերագրվում է Վեհափառ Հայրապետին, բացառապես քաղաքական ենթատեքստ ունի, քաղաքական նպատակներով շինծու մեղադրանք է։ Եկեղեցին անջատ է պետությունից, բայց դա չի նշանակում, որ եկեղեցականներն իրավունք չունեն քաղաքական և քաղաքացիական դիրքորոշում հայտնել»,- նշել է ընդդիմադիր պատգամավորը։