Ռուսաստանի և ԱՄՆ նախագահներ Վլադիմիր Պուտինն ու Դոնալդ Թրամփը կարող են բանակցություններ վարել Չինաստանում կայանալիք ԱԽՏՀ գագաթնաժողովում, եթե երկուսն էլ մասնակցեն դրան։ Այս մասին հայտարարել է ՌԴ նախագահի օգնական Յուրի Ուշակովը։
Ասիա-խաղաղօվկիանոսյան տնտեսական համագործակցության գագաթնաժողովը կկայանա նոյեմբերի 18-19-ը չինական Շենժենում։ Ուշակովի խոսքով՝ թեև ֆորումին դեռ ժամանակ կա, սակայն եթե առաջնորդները հայտնվեն նույն միջոցառմանը, նրանց հանդիպումն անխուսափելի կլինի։
Միաժամանակ նա ընդգծել է, որ հնարավոր հանդիպման վերաբերյալ դեռևս կոնկրետ ազդանշաններ չկան, և հիշեցրել, որ մինչ այդ Ռուսաստանում ևս բազմաթիվ խոշոր միջազգային միջոցառումներ են սպասվում։