Ռուսաստանը 2023 թվականին Ադրբեջանի կողմից Լեռնային Ղարաբաղի բռնակցման հետևանքով կորցրեց ավելին, քան Հայաստանը։ Այս մասին Դելիբ գրքի կենտրոնում հայտարարել է «Նոյան տապան» հայկական թերթի գլխավոր խմբագիր Գրիգորի Անիսոնյանը, գրում է politnavigator.news–ը։
«Արցախը Հայաստանի օրրաններից մեկն է։ Դժբախտաբար, Հայաստանի և Ռուսաստանի ներկայիս իշխանությունները չեն կարողացել հասկանալ դա։ Ռուսաստանը Արցախում ավելի շատ բան է կորցրել, քան ինքը Հայաստանը։ Արցախ-Ղարաբաղը Ռուսական կայսրության նախնիների հողն է, որի համար Ռուսաստանը Պարսկաստանի հետ պատերազմում թափեց իր զինվորների արյունը։ Գրիբոյեդովը զոհվեց այնտեղ։ Ինչպես ասել է Զատուլինը, Արցախը կորցնելը նման է շենքի հիմքից աղյուս հանելուն։ Աղյուսը հանվել է Կովկասում Ռուսաստանի շահերի հիմքից», – ասել է Անիսոնյանը։ Նա նաև նշել է, որ վերջին խորհրդարանական ընտրությունների արդյունքները թույլ չեն տա վարչապետ Նիկոլ Փաշինյանին փոխել Հայաստանի սահմանադրությունը Ադրբեջանի խնդրանքով և հանել Արցախ-Ղարաբաղի հիշատակումը։
Նյութը հրապարակման պատրաստեց Կամո Խաչիկյանը