Հարավկորեական PanStar Acro բեռնարկղային նավը շաբաթ օրը պատմական առևտրային նավարկություն է սկսել դեպի Եվրոպա՝ անցնելով Արկտիկայի Հյուսիսային ծովային ուղիով։ Նպատակը նոր երթուղու կենսունակությունը փորձարկելն ու Բուսան նավահանգիստը համաշխարհային ծովային հանգույցի վերածելն է։
Նավը կանցնի Կամչատկայի թերակղզով, Բերինգի ծովով և կհասնի Մեծ Բրիտանիա, Նիդերլանդներ ու Լեհաստան: Ակնկալվում է, որ այս ուղիով ճանապարհորդությունը կտևի 40-45 օր՝ կրճատելով Սուեզի ջրանցքով սովորական նավարկության ժամանակը շուրջ 35%-ով։
Նախագահ Լի Ջե Մյունգը արկտիկական նավարկությունը հռչակել է որպես առաջնահերթություն։ Սակայն ծրագիրը կարող է լարվածություն առաջացնել արևմտյան դաշնակիցների հետ, քանի որ Սեուլը ստիպված է եղել խորհրդակցել Ռուսաստանի հետ՝ սառույցների մեջ խրվելու դեպքում օգնություն ստանալու նպատակով: