ԱՄՆ նախկին պետքարտուղար Հենրի Քիսինջերի այրին՝ Նենսի Քիսինջերը, մահացել է 92 տարեկանում։ Այս մասին հայտնել է The New York Times-ը։
Նենսի Քիսինջերը մահացել է օգոստոսի 20-ին՝ Կոնեկտիկուտ նահանգում գտնվող իր տանը։ Մահվան պատճառը չի նշվում։
Հենրի Քիսինջերը մահացել էր 2023 թվականին՝ 100 տարեկան հասակում։ Նա և Նենսի Քիսինջերը ամուսնացած են եղել գրեթե 50 տարի։ Նրանք ամուսնացել էին 1974 թվականի մարտին՝ Վաշինգտոնի մոտ գտնվող Վիրջինիա նահանգի Արլինգտոն քաղաքում։
The New York Times-ը նշում է, որ Նենսի Քիսինջերը հաճախ էր ուղեկցում ամուսնուն աշխատանքային այցերի ժամանակ, այդ թվում՝ ԽՍՀՄ կատարած ուղևորությունների ընթացքում։