Թուրքիան և Սիրիան կարող են նոր ռազմական համագործակցության համաձայնագիր ստորագրել Սիրիայում գտնվող ավիաբազայի վրա Իսրայելի հարվածից հետո, հայտնում է ՏԱՍՍ-ը՝ հղում անելով Türkiye թերթին:
Թերթի տվյալներով՝ Թուրքիան առաջարկել է համատեղ զորավարժություններ անցկացնել և թուրքական AWACS ինքնաթիռներն ու կործանիչները անընդհատ պարեկության ուղարկել սահմանային տարածքներում: Այս գործողությունները Դամասկոսին առաջարկվել են որպես Իսրայելի սպառնալիքներին կանխարգելիչ պատասխան:
Միջնաժամկետ հեռանկարում քննարկվում է նաև Սիրիայի օդային տարածքը ռազմական թռիչքների համար փակելը:
Ավելի վաղ Իսրայելը ութ ավիահարված էր հասցրել Սիրիայի հյուսիս-արևմուտքում, Հալեպի մոտ գտնվող Աբու Դուհուր ավիաբազային: Իսրայելի վարչապետի գրասենյակը հայտարարել է, որ Սիրիան գտնվում է «Իսրայելի հետ անվտանգության հարցերով համաձայնեցված ստատուս քվոն» խախտելու եզրին՝ թույլ տալով թուրքական զորքերին տեղակայվել ավիաբազայում:
Թուրքիայում ԱՄՆ դեսպան Թոմ Բարաքը նշել է, որ Իսրայելի հարվածը «իրական ռիսկ է պարունակում իրավիճակը արագ սրելու և Իսրայելի ու Թուրքիայի, ինչպես նաև Սիրիայի միջև ուղղակի ռազմական հակամարտության վերածելու համար»:
