Ըստ ՆԳՆ տարածած հաղորդագրության՝ Եղվարդ քաղաքում գործող կազմակերպություններից մեկն առանց համապատասխան թույլտվության իրականացրել է հրաձգության պարապմունքներ՝ այցելուներին տրամադրելով ապօրինի պահվող զենք-զինամթերք։
Իրավապահների հայտնած տվյալներով՝ ապօրինի ձեռնարկատիրական գործունեությունը տևական ժամանակ կազմակերպել է Եղվարդի 51-ամյա բնակիչը։
Դեպքի առթիվ նախաձեռնված քրեական վարույթի շրջանակում, Քննչական կոմիտեի և ոստիկանության ծառայողների համատեղ խուզարկությամբ, կազմակերպության տարածքում հայտնաբերվել է զենք-զինամթերք՝ ինքնաձիգներ և որսորդական հրացաններ, լիցքավորված ատրճանակ, տարբեր տեսակի և տրամաչափի 2,210 փամփուշտ, հակահետևակային ականներ և մարտական գլխիկներով ականանետեր։
Ոստիկանությունը հայտնում է, որ 51-ամյա տղամարդը և ևս մեկ անձ ձերբակալվել են։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter