Շաբաթ օրն առաջին դասարանցիները դպրոց չեն գնալու․ մանրամասներ

Աշնանը Հայաստանում անցկացվելիք ՄԱԿ-ի Կենսաբազմազանության կոնվենցիայի կողմերի 17-րդ համաժողովով (COP17) պայմանավորված՝ Երևանում միջոցառման մեկ շաբաթվա ընթացքում դասեր չեն կազմակերպվի։

Արդյունքում՝ աշակերտները հոկտեմբերի 19-30-ը կլինեն երկշաբաթյա արձակուրդում։

Փոփոխությունը չի վերաբերում առաջին դասարան հաճախող աշակերտներին, քանի որ նրանց աշնանային երկշաբաթյա արձակուրդն ի սկզբանե նախատեսված է եղել ուսումնական օրացույցով։ Այս մասին հայտնել է ԿԳՄՍ նախարարության խոսնակը։

Հիշեցնենք` ավելի վաղ հայտնել էինք, որ սեպտեմբերի 15-ից սկսած՝ հինգ շաբաթվա ընթացքում, մայրաքաղաքի ուսումնական հաստատությունները կգործեն վեցօրյա աշխատանքային ռեժիմով։