Բնապահպանության և ընդերքի տեսչական մարմինը վարչական վարույթ է հարուցել Արագած լեռան լանջին գտնվող Քարի լճի տարածքում աղբի կուտակումների դեպքով, հայտնել է գերատեսչությունը։
Վարույթը հարուցվել է օգոստոսի 15-ին համացանցում և լրատվամիջոցներում տարածված լուսանկարների ու տեսանյութերի հիման վրա։
Գերատեսչությունը հիշեցրել է, որ «Տեղական ինքնակառավարման մասին» օրենքի համաձայն՝ աղբահանության և սանիտարական մաքրման կազմակերպումը համայնքի լիազորությունն է։ Համայնքն օրենքով նախատեսված դեպքերում նաև վարչական պատասխանատվության ենթարկելու իրավասություն ունի։
