Համաս շարժումի քաղաքական գրասենեակի անդամ Հուսամ Պատրան «Աքսա» պատկերասփիւռի կայանին հետ հարցազրոյցի ընթացքին նշեց, որ շարժումը «ազգային կարելի եղածին չափ լայն դաշինքի մը ծիրին մէջ» պիտի մասնակցի պաղեստինեան ընտրութիւններուն:
Պատրան ըսաւ. «Ոչ ոք իրաւունք ունի մասնակցութեան համար պայմաններ ճշդելու կամ կողմերուն իր սեփական ծրագիրը պարտադրելու»` նշելով, որ Համասն ու պաղեստինեան խմբաւորումներու եւ ընտրական պլոքներու մեծամասնութիւնը կը մերժեն այդ սկզբունքը:
Ան աւելցուց, որ ընտրական յանձնախումբերուն ու պաղեստինեան արդարադատութեան ցուցմունք տրուած է երաշխաւորելու «իր քաղաքական ծրագիրը ընտրելու ժողովուրդին ազատութիւնը»:
Համասի քաղաքական գրասենեակի անդամը ընտրութիւնները նկատեց «պատմական առիթ մը պաղեստինեան իրավիճակին մէջ փոփոխութիւն կատարելու եւ վերջ տալու երկու տասնամեակներէ ի վեր ազգային որոշումի միահեծան կայացման վիճակին»: