Իսրայէլի մէջ Միացեալ Նահանգներու դեսպան Մայք Հաքըպի դատապարտեց Քասրայի մէջ պաղեստինեան տան մը պաշարման ընթացքին իսրայէլացի բնակեցուածներու գործած «ահաբեկչութիւն»-ը:
«Այս սարսափելի ահաբեկչական արարքը գործողներուն քայլերը, որոնք նպատակ ունէին վախցնել եւ նեղութիւն պատճառել այս ընտանիքին, զզուելի են: Նման աւազակային վարքագիծի համար որեւէ արդարացում չկայ», յայտարարեց Միացեալ Նահանգներու դեսպանը:
«Երուսաղէմի մէջ Միացեալ Նահանգներու դեսպանատունը շատ աշխուժօրէն ներգրաւուած էր այս հարցին մէջ, եւ մեր խնդրանքով իսրայէլեան բանակն ու ոստիկանութիւնը քայլեր ձեռնարկեցին գործողութիւնը կատարող իսրայէլացի ահաբեկիչները հեռացնելու համար», նշեց Հաքըպի: