Օգոստոսի 12-ին՝ ժամը 21:50-ի սահմաններում, Սուրբ Սարգիս եկեղեցուց դեպի Հաղթանակ կամուրջ տանող ճանապարհահատվածում բախվել են «Hongqi» և «Mercedes» մակնիշի ավտոմեքենաները։
Վարորդներից մեկի ինքնազգացողությունը վատացել է, և ահազանգել են Երևանի 103 շտապօգնություն, սակայն վարորդի կյանքը փրկել չի հաջողվել. բժիշկներն արձանագրել են նրա մահը։
Տեղում պարեկներն ու քննիչները պարզել են, որ «Hongqi»-ն վարել է Գեղարքունիքի մարզի բնակիչ 41-ամյա Վարանցով Ղ.-ն, իսկ մահացածը «Mercedes»-ի վարորդն է՝ Երևանի բնակիչ 49-ամյա Կարեն Հ.-ն։
Դեպքի փաստով քննչական բաժնում նախաձեռնվել է քրեական վարույթ։
