Բաշկորտոստանի արդյունաբերական գոտում գտնվող Wildberries-ի օբյեկտի տարածքում ԱԹՍ-ի հարձակումից հետո հրդեհ է բռնկվել, ինչը հաստատել են ընկերության մամուլի ծառայությունից։
Ընկերության հաղորդագրության համաձայն՝ տեղում աշխատում են հրշեջ հաշվարկներ, իսկ անվտանգության կանոններին համապատասխան՝ օբյեկտից նախապես իրականացվել է մարդկանց տարհանում։
Նշվում է, որ տվյալ հատվածում ապրանքների պահեստավորում չի իրականացվել։ Ավելի վաղ OSINT վերլուծաբանները հայտնել էին, որ անօդաչու թռչող սարքերը թիրախավորել են Wildberries-ի լոգիստիկ հաբը Բաշկորտոստանի Չիշմի ավանում։