Ադրբեջանից Նախիջևան Հայաստանի տարածքով էլեկտրահաղորդման գծեր անցկացնելու նախագիծը պատրաստ է, հայտարարել է Ադրբեջանի նախագահ Իլհամ Ալիևը։
Նրա խոսքով՝ ադրբեջանցի մասնագետներն ուսումնասիրություններ են իրականացրել Հայաստանի տարածքում և որոշել էլեկտրահաղորդման գծերի հենասյուների տեղադրման հնարավոր վայրերը։
Ալիևը նաև խոսել է Հայաստանի հնարավոր էներգետիկ ճգնաժամի մասին՝ այն կապելով Հայկական ատոմակայանի փակման հետ։ Նա նշել է, որ ճգնաժամից խուսափելու նպատակով Բաքուն պատրաստ է Հայաստանին ապահովել «էլեկտրաէներգիայի լրացուցիչ աղբյուրով»։
Միաժամանակ Ալիևը հայտնել է, որ ԱՄՆ նախագահ Դոնալդ Թրամփի հետ քննարկել է TRIPP ծրագրի շրջանակում Հայաստանի տարածքով երկաթուղու կառուցման հարցը։ Նրա խոսքով՝ շինարարությունը պետք է սկսվի այս տարի։