Կոլումբիայի արևմուտքում 7,4 մագնիտուդով երկրաշարժից հետո զոհերի թիվը հասել է առնվազն 132-ի, հայտնել է Կոլումբիայի մայրաքաղաքային քաղաքների ասոցիացիան Facebook-ի իր էջում։
Ավելի քան 2700 մարդ համարվում է անհետ կորած, ևս 483 բնակիչ վնասվածքներ է ստացել։ Մոտ 1600 շենք վնասվել կամ փլուզվել է։
Օգոստոսի 10-ին Կոլումբիայի Չոկո դեպարտամենտում գրանցվել էր 7,4 մագնիտուդով երկրաշարժ։ Երկրաշարժի էպիկենտրոնը գտնվել էր Սան Խոսե դել Պալմարի շրջանում, իսկ ցնցումները զգացվել էին նաև Բոգոտայում և Վենեսուելայում։ Ավելի ուշ հաղորդվել էր, որ զոհերի թիվը գերազանցել է 70-ը։
Փոքր երկրաշարժերը Կոլումբիայում հայտնի են temblores անվամբ, հաճախակի են, քանի որ երկիրը գտնվում է սեյսմիկ ակտիվությամբ խաղաղօվկիանոսյան հրե օղակի գոտում։ Այդուհանդերձ, 6,0-ից բարձր մագնիտուդով երկրաշարժերը հազվադեպ են։ 1999 թվականին Արմենիա քաղաքի մոտ տեղի ունեցած 6,2 մագնիտուդով երկրաշարժի հետևանքով զոհվել էր ավելի քան 1100 մարդ։
