Իտալացի կարաբիներները Սիցիլիայի ծովային մշակութային ժառանգության վարչության հետ համատեղ Մադզարա դել Վալոյի ափամերձ հատվածում հայտնաբերել են հին հռոմեական խորտակված նավ՝ հարյուրավոր ամֆորաներով, հայտնում է «Коммерсантъ»-ը՝ հղում անելով ANSA-ին։
Հայտնաբերումը տեղի է ունեցել 46 մետր խորության վրա՝ ափից մոտ երեք ծովային մղոն հեռավորության վրա։
Նախնական տվյալներով՝ նավը թվագրվում է մ.թ.ա. II–I դարերով։ Նավի վրա հայտնաբերվել են հարյուրավոր ամֆորաներ՝ հիմնականում Dressel 1A տեսակի, ինչպես նաև երկու խարիսխ և կապարե կառուցվածք։ Սա ընդգծում է գտածոյի կարևորությունը տարածաշրջանի ստորջրյա մշակութային ժառանգության ուսումնասիրման համար։
Նավի մնացորդների և բեռի փաստագրման ու ուսումնասիրման աշխատանքները շարունակում են սիցիլիացի մասնագետները։ Նրանք ծրագրում են ավելի մանրամասն ուսումնասիրել հնագիտական համատեքստը և մշակել նավի պահպանությանն ուղղված միջոցառումներ։
