Ուկրաինական անօդաչու թռչող սարքերն օգոստոսի 7-ի առավոտյան հարվածել են Եկատերինբուրգում տեղակայված Wildberries-ի պահեստին, ինչի հետևանքով հրդեհ է բռնկվել, հայտնել է Սվերդլովսկի մարզի ղեկավար Դենիս…
Ուկրաինական անօդաչու թռչող սարքերն օգոստոսի 7-ի առավոտյան հարվածել են Եկատերինբուրգում տեղակայված Wildberries-ի պահեստին, ինչի հետևանքով հրդեհ է բռնկվել, հայտնել է Սվերդլովսկի մարզի ղեկավար Դենիս Պասլերը Telegram-ում։
Նրա փոխանցմամբ՝ ՌԴ պաշտպանության նախարարության ուժերի կողմից ոչնչացվել է 8 ԱԹՍ, որոնցից երեքն ընկել են լոգիստիկ կենտրոնի տարածքում։ Տուժածներ չկան, իսկ հրշեջները իրականացնում են հրդեհաշիջման աշխատանքներ։
Ուրալի դաշնային շրջանում ՌԴ նախագահի լիազոր ներկայացուցիչ Արտյոմ Ժոգան Telegram-ում տեղեկացրել է, որ հիշյալ լոգիստիկ օբյեկտից տարհանվել է 800 մարդ։
Wildberries ընկերության փոխանցմամբ՝ բռնկված հրդեհը հաջողվել է տեղայնացնել։
Վերջին շաբաթների ընթացքում Ռուսաստանի տարբեր մարզերում գտնվող Wildberries-ի պահեստները պարբերաբար ենթարկվում են հարձակումների։
Ռուսաստանն իր հերթին հարվածներ է հասցրել Ուկրաինային․ Սումիի մարզում շուկայի ուղղությամբ հասցված հարվածի հետևանքով վիրավորվել է 10 մարդ, որոնցից երկուսի վիճակը գնահատվում է ծանր։