800 մարդ է էվակուացվել Եկատերինբուրգում Wildberries-ի օբյեկտից, որտեղ Ուկրաինայի զինված ուժերի ԱԹՍ-ի հարձակման հետևանքով հրդեհ է բռնկվել: Տուժածներ չկան, հայտնել է Ուրալի դաշնային օկրուգում Ռուսաստանի նախագահի լիազոր ներկայացուցիչ Արտյոմ Ժոգան:
«Թշնամու անօդաչու թռչող սարքերը հարձակվել են Եկատերինբուրգի պահեստի վրա: Լոգիստիկ օբյեկտի տարածքից էվակուացվել է 800 մարդ, ոչ ոք չի տուժել», – գրել է նա:
Օպերատիվ ծառայությունները բոլոր միջոցները ձեռնարկում են բնակիչների անվտանգությունն ապահովելու համար, նշել է լիազոր ներկայացուցիչը:
Wildberries և Russ (RWB) միավորված ընկերության մամուլի ծառայությունից ավելի վաղ հայտնել էին, որ հարձակման պատճառով Եկատերինբուրգում ընկերության օբյեկտում հրդեհ է բռնկվել, տեղում աշխատում են հրշեջ հաշվարկները: Իրականացվել է նախապես էվակուացիա: Ընթացիկ մատակարարումների ընդունումը ժամանակավորապես սահմանափակված է, դրանք վերաուղղորդվել են այլ օբյեկտներ:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: