Դամասկոսի արվարձանում միկրոավտոբուսում տեղի ունեցած պայթյունի հետևանքով զոհվել է 2 մարդ, ևս 13-ը ստացել են վնասվածքներ։ Այս մասին հայտնել է Սիրիայի առողջապահության նախարարության շտապօգնության վարչությունը։
Ըստ նախնական տվյալների՝ պայթյունի պատճառը եղել է միկրոավտոբուսում տեղադրված ինքնաշեն պայթուցիկ սարքը, որը գործի է դրվել տրանսպորտային միջոցի ներսում։
Դեպքի հանգամանքները պարզվում են։