ԱՄՆ նախագահ Դոնալդ Թրամփը հայտարարել է, որ Վաշինգտոնի հետ բանակցությունները Իրանի համար վերջին հնարավորությունն են՝ խուսափելու երկրի ղեկավարության դեմ հարվածից։
«Ուզում եմ նրանց վերջին հնարավորությունը տալ՝ նախքան գլխատումը», — Սպիտակ տանը լրագրողների հետ զրույցում ասել է Թրամփը։
Նա հավելել է, որ ԱՄՆ-ի նախապես մշակված ծրագրերը շարունակում են ուժի մեջ մնալ։ «Այն, ինչ մենք ծրագրել ենք և դեռևս ծրագրում ենք իրականացնել, շատ լուրջ գործողություն է։ Կտեսնենք, թե ինչ կլինի», — նշել է ԱՄՆ նախագահը։
«Ես կնախընտրեի նման լայնածավալ հարձակում չիրականացնել որևէ պետության դեմ», — ասել է Թրամփը՝ հավելելով. «Հուսով եմ՝ նրանք խելքի կգան»՝ նկատի ունենալով Իրանի իշխանություններին։