Ուկրաինայի նախագահ Վոլոդիմիր Զելենսկին պաշտոնից ազատել է ԱՄՆ-ում երկրի դեսպան Օլհա Ստեֆանիշինային։ Համապատասխան հրամանագիրը հրապարակվել է Ուկրաինայի նախագահի գրասենյակի պաշտոնական կայքում։
Ստեֆանիշինան հայտնել է, որ հրաժարականը ներկայացրել է սեփական նախաձեռնությամբ։
«Սա իմ անձնական որոշումն է՝ պայմանավորված անձնական հանգամանքներով, որոնց մասին ավելի վաղ խոսվել էր»,- գրել է նա։
Նրա խոսքով՝ ԱՄՆ-ում աշխատանքի ընթացքում հաջողվել է իրականացնել այն հիմնական նպատակները, որոնցով մեկնել էր Վաշինգտոն։