Իսպանական Սեուտա քաղաքում միգրանտների ճգնաժամի լույսի ներքո Իտալիայի վարչապետ Ջորջիա Մելոնին առաջարկում է բանակցություններ սկսել Եվրամիության սահմաններից դուրս անօրինական միգրանտների վերադարձի համար կենտրոններ ստեղծելու վերաբերյալ, որոնցից առաջինը կարող է գործել արդեն 2027 թվականին, հաղորդում է իտալական Corriere della Sera թերթը։
Պարբերականի տվյալներով՝ նախաձեռնությունը կլինի ԵՄ ներքին գործերի խորհրդի նիստի կենտրոնական թեմաներից մեկը, որը տեղի կունենա երեքշաբթի օրը հեռավար։ Իտալիան կներկայացնի ներքին գործերի նախարար Մատեո Պիանտեդոզին։
Հռոմը հույս ունի մինչև այս տարվա վերջ համաձայնագրեր կնքել երրորդ երկրների հետ՝ նպատակ ունենալով առաջին կենտրոնները գործարկել 2027 թվականին՝ Իտալիայի և Ալբանիայի միջև կնքված համաձայնագրի օրինակով: Այնուամենայնիվ, դրանց ֆինանսավորումը, ինչպես սպասվում է, կգա Եվրամիությունից: