«Ուժեղ Հայաստան» խմբակցությունը մտադիր է պատգամավոր Արամ Վարդևանյանին առաջադրել Ազգային ժողովի նախագահի տեղակալի պաշտոնում, հայտնել է խմբակցության ղեկավար Նարեկ Կարապետյանը։
Կարապետյանը պարզաբանել է, որ ընտրությունը պայմանավորված է նրա փորձով ու մասնագիտական որակներով՝ նշելով, որ Վարդևանյանը լավագույն մասնագետներից մեկն է, իսկ պրոֆեսիոնալիզմը օրենսդիր մարմնում աշխատելու առանցքային չափանիշներից է։
Ավելի վաղ «Քաղաքացիական պայմանագիր» կուսակցության վարչությունը փակ, գաղտնի քվեարկությամբ Ռուբեն Ռուբինյանին ընտրել էր Ազգային ժողովի նախագահի թեկնածու։
ԱԺ փոխնախագահների պաշտոններում կուսակցությունն առաջադրել էր Հայկ Կոնջորյանի և «Քաղաքացիական պայմանագրի» փոխնախագահ Վահագն Ալեքսանյանի թեկնածությունները։
Օրենսդրության համաձայն՝ Ազգային ժողովի երրորդ փոխնախագահի պաշտոնը պետք է զբաղեցնի ընդդիմության ներկայացուցիչը։
