Իսրայելի բանակը նոր հարվածների շարք է սկսել Գազայի հատվածում, հաղորդում է բանակի մամուլի ծառայությունը։
Բանակի հայտարարության մեջ որպես թիրախ նշվել են այն պահեստները, որտեղ, ըստ իսրայելական բանակի, պահվում էր արմատական պաղեստինյան ՀԱՄԱՍ շարժման զենքը։
Հայտարարության մեջ ասվում է, որ հարձակման է ենթարկվել, ընդհանուր առմամբ, հինգ պահեստ։ Բանակը հայտարարել է, որ այլ իրերի շարքում պահեստներում եղել են Կալաշնիկով ինքնաձիգներ, պայթուցիկ սարքեր, հակատանկային նռնականետեր, զինամթերք և այլ ռազմական սարքավորումներ։