«Վահեի տեսակը մեր ապագայի լուսավոր կետերից է». Արեգ Սավգուլյան

«Վահեի տեսակը մեր ապագայի լուսավոր կետերից է». Արեգ Սավգուլյան

Պատմաբան Արեգ Սավգուլյանի ֆեյսբուքյան գրառումը. «14 ամյա Վահեն երեկ հայտնաբերվեց Գառնիի լքված եկեղեցում։ Ուզում էր ճգնավոր դառնալ։ Չգիտեմ ի՞նչ է կատարվում այս լուսավոր պատանու մտքում, հոգում և սրտում, բայց իր հասակակիցներից շատերից իր էությամբ և բանականությամբ առաջ է։ Նա ասես այլ աշխարհում է հոգևոր-ռոմանտիկ, որը պակասում է մեր երիտասարդությանը, պակասում է նաև մեզ, պարզ և մաքուր դատելու և աշխարհին նայելու ունակությունը, որը վայրենի կապիտալիզմում թաղվել է նյութապաշտության փլատակների տակ։
Մենք ապրում էինք գրքերի աշխարհում, խաղում փողոցում, կռվում, ծեծում և ծեծվում։ Երեք հրացանակիրների ազդեցության տակ թիկնոցներ կարում և թրեր սարքում, միմյանց մարտահրավեր նետում (դուել) և այլն, և այլն։ Իսկ նոր սերնդին սոցցանցերից և վերտուալ խաղերից չենք կարողանում տուն բերել։
Վահեի տեսակը մեր ապագայի լուսավոր կետերից է, մենք այս ուղղությամբ տնային աշխատանք ունենք անելու։
Հ.Գ. Արցախյան 1-ին պատերազմի ժամանակ էր մի պատանի՝ հերոսների սխրանքներով ոգևորված, փախել էր տնից, որպեսզի կռվին մասնակցի։ Կարծեմ նրան Սյունիքից հայտնաբերեցին, եթե ճիշտ եմ հիշում, 30 տարուց ավել է անցել»։

Աղբյուրը`   Արեգ Սավգուլյան

Leave a Comment