ՀՀ էկոնոմիկայի նախարար Գևորգ Պապոյանը հայտնել է, որ այսօր «Արարատցեմենտ» գործարանում ներկայացրել է նորանշանակ կառավարիչ Դավիթ Գևորգյանին։
Նախարարի խոսքով՝ կառավարությունը կարևորում է, որպեսզի գործարանը ոչ միայն ապահովի կայուն աշխատանք և գործունեության լիարժեք թափանցիկություն, այլև հետևողականորեն բարձրացնի իր արդյունավետությունն ու ամբողջությամբ օգտագործի առկա արտադրական ներուժը։
Գևորգ Պապոյանը նաև նշել է, որ իրենց գործին տիրապետող, աշխատանքը բարեխղճորեն և պարտաճանաչ իրականացնող բոլոր աշխատակիցները կշարունակեն աշխատել գործարանում։
Նախարարը նորանշանակ կառավարչին և գործարանի անձնակազմին մաղթել է արդյունավետ աշխատանք։