Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ռուսաստանի Վոլգոգրադ քաղաքում անօդաչու թռչող սարքերի հարձակման հետևանքով վնասված բնակելի շենքի փլատակների մաքրման ժամանակ փրկարարները հայտնաբերել են զոհված կնոջ մարմինը։ Այդ մասին հայտնել է Վոլգոգրադի մարզի նահանգապետ Անդրեյ Բոչարովը։
Նրա խոսքով՝ միջադեպի հետևանքով ընդհանուր առմամբ ութ մարդ տեղափոխվել է հիվանդանոցներ։ Նրանցից երկուսի վիճակը գնահատվում է ծանր, իսկ մնացած տուժածներին ցուցաբերվում է անհրաժեշտ բժշկական օգնություն։
Հարձակման հետևանքով հրդեհներ են բռնկվել քաղաքի հարավային հատվածում գտնվող վառելիքաէներգետիկ համալիրի արդյունաբերական օբյեկտում, ինչպես նաև Դերժինսկի շրջանի պահեստային տարածքներում։
Վնասվել են նաև Տրակտորոզավոդսկի շրջանի բազմաբնակարան շենքերից մեկը և Կրասնոարմեյսկի շրջանի մասնավոր բնակելի տունը։ Քաղաքային իշխանությունների տվյալներով՝ Տրակտորոզավոդսկի շրջանում վնասվել են ևս ութ բազմաբնակարան շենքերի պատուհանները։
Վնասված շենքերի բնակիչների համար կազմակերպվել է ժամանակավոր կացարան, իսկ համապատասխան ծառայությունները շարունակում են վերացնել հարձակման հետևանքները և գնահատել հասցված վնասը։
Հետևեք մեզ՝ այստեղ