Իսլամական հեղափոխության պահապանների կորպուսը կրակ է բացել երկու լցանավի վրա, որոնք փորձել են անցնել Հորմուզի նեղուցով առանց իրանական կողմի համաձայնության։ Այդ մասին ասվում է ԻՀՊԿ մամուլի ծառայության հայտարարության մեջ, հաղորդում է ՏԱՍՍ-ը:
«Այսօր վաղ առավոտյան երկու լցանավ, որոնք խախտել են կանոնները, կարծելով, թե կարող են անցնել Հորմուզի նեղուցով չհամաձայնեցված երթուղով՝ ԱՄՆ բանակի օդային ծածկույթի ներքո, և անտեսել են մեր նախազգուշացումները, ենթարկվել են հարձակման և կանգնեցվել։ Եվս չորս լցանավ արագորեն փոխել են ընթացքը», – նշվում է տեքստում, որի բովանդակությունը բերում է իրանական Fars գործակալությունը։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: