Հուլիսի 31-ին Բաքվում մեկնարկում է ազատ ոճի ըմբշամարտի մինչեւ 17 տարեկանների աշխարհի առաջնությունը, որին Հայաստանն ունի 6 մասնակից:
Տեղի է ունեցել ազատ ոճայինների վիճակահանությունը: Հայ ըմբիշներն իմացել են իրենց առաջին մրցակիցներին:
51 կգ քաշային Մուրադ Ղարիբյանը պայքարը կսկսի որակավորման փուլից, որտեղ կմրցի Ղրղզստանը ներկայացնող Նուրդան Բոդոնոեւը:
55 կգ քաշային Դավիթ Բալեյանի մրցակիցը որակավորման փուլում կլինի լեհ Պրժեմիսլավ Մրոժեկը:
60 կգ քաշային կարգում Հայաստանը ներկայացնող Գրիշա Գեւորգյանը 1/16 եզրափակիչում ուժերը կչափի Ղրղզստանի ներկայացուցիչ Միրլան ՆուրմամատովըԼ
65 կգ քաշային Էրիկ Պապիկյանը մեկնարկային 1/16 եզրափակիչում կմրցի ադրբեջանցի Ռապիդ Նազարովի հետ:
71 կգ քաշային Վարուժան Ասլանյանը որակավորման փուլում կփորձի հաղթահարել վրացի Բոգդան Կվանդալիանի արգելքը:
80 կգ քաշային Վաչե Ասլանյանը 1/16 եզրափակիչում կգոտեմարտի Ռուսաստանը ներկայացնող Կանտեմիր Ելմեսովի հետ:
Առաջ մրցումային օր Արշակ Հայրապետյանի գլխավորած Հայաստանի հավաքականից մրցագորգ դուրս կգան Դավիթ Բալեյանը (55 կգ), Էրիկ Պապիկյանը (65 կգ) եւ Վաչե Ասլանյանը (80 կգ):
Նախնական գոտեմարտերը կմեկնարկեն Երեւանի ժամանակով 10:30-ից: