Ճապոնիայի Կյուսյու կղզու Կումամոտո նահանգում տեղի ունեցած երկրաշարժի զոհերի թիվը հասել է 28-ի։
Այս մասին Տոկիոյում կայացած մամուլի ասուլիսում հայտարարել է Ճապոնիայի գլխավոր կաբինետի քարտուղար Մինորու Կիհարան։
«Այս թիվը ներառում է նաև նրանց, որոնց մահը, ենթադրաբար, կապված է երկրաշարժի հետևանքների հետ», – ասել է նա։
Աղետի հետևանքով բազմաթիվ տներ մնացել են առանց էլեկտրաէներգիայի, ջրի և գազի։ Մի քանի շրջաններում ավերվել են բնակելի շենքեր, վնասվել են ճանապարհներ և կամուրջներ։
Մոտ 4600 ճապոնացի ինքնապաշտպանության ուժերի աշխատակիցներ են տեղակայվել երկրաշարժից վայրում։
7.1 մագնիտուդով երկրաշարժը վերջին տարիներին երկրում տեղի ունեցած ամենաուժեղներից մեկն էր։