Հունգարիան արգելափակել է Ուկրաինայի ԵՄ անդամակցության գործընթացի երկու կետերի շուրջ բանակցությունների մեկնարկը։ Այդ կետերը վերաբերում են տնտեսական և սոցիալական հարցերին: Այս մասին հայտնել է բրիտանական Financial Times (FT) թերթը՝ հղում անելով աղբյուրներին:
FT-ի տվյալներով՝ Բուդապեշտը հետաձգել է երկրորդ և երրորդ կլաստերների բացումը, որոնք վերաբերում են միասնական շուկային ինտեգրմանը և տնտեսական ու սոցիալական քաղաքականության ընդլայնմանը: Նշվում է, որ ստեղծված իրավիճակում ԵՄ պաշտոնյաները կարծում են, որ Հունգարիայի նկատմամբ աջակցության պահպանումը կպահանջի «քաղաքական ճնշում»:
Ավելին, Բուդապեշտը դեմ է Ուկրաինայի՝ ԵՄ-ին արագացված անդամակցությանը: Հունգարիայի անանուն ներկայացուցչի խոսքերով՝ Կիևը «չպետք է ավելի բարենպաստ վերաբերմունք ստանա», քան Արևմտյան Բալկանների թեկնածուները, որոնք տարիներ շարունակ պայքարել են ԵՄ պահանջները բավարարելու համար: