Հանդիպման ժամանակ ֆիքսել ենք՝ Իրանի Իսլամական Հանրապետությունն ունի էլեկտրաէներգիայի կարիք, Հայաստանի Հանրապետությունն էլ ունի գազի կարիք: Մենք հաջողությամբ, որոշակի ծավալով «գազը՝ էլեկտրաէներգիայի դիմաց» ծրագիրն ենք իրականացնում և ակնհայտ է, որ մեր առկա հնարավորություններն ավելի շատ են ծրագիրն իրականացնելու մասով: Այս մասին լրագրողների հետ զրույցում ասել է Տարածքային կառավարման և ենթակառուցվածքների նախարար Դավիթ Խուդաթյանը:
«Օրինակ՝ խողովակի թողունակությունն է ավելի շատ և 400 կՎտ գծի կառուցումից հետո նաև էլեկտրաէներգիայի մատակարարման ծավալը կկարողանանք ավելի մեծացնել:
Այսինքն՝ ավելի մեծ ծավալով գազ և ավելի մեծ ծավալով էլեկտրաէներգիա փոխադարձաբար իրար տալու և ընդունելու հնարավորություն ունենք»,-նշել է նա և հավելել՝ պայմանավորվել են աշխատանքային խումբ ստեղծել:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: