Չնայած նախորդ տարիներին հուլիսի վերջին գրանցված ռեկորդային բարձր ջերմաստիճաննին, ընթացիկ տարում 40 աստիճանը գերազանցող տաքություն դեռևս չի արձանագրվել, հայտնել է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրենի տեակալ Գագիկ Սուրենյանը։
Նրա խոսքով՝ առաջիկա հինգ օրերին Արարատյան դաշտում և Երևանում ջերմաստիճանը կտատանվի +35…+36 աստիճանի սահմաններում։
Հիդրոօդերևութաբանի տվյալներով՝ հուլիսի վերջին տասնօրյակն ավանդաբար աչքի է ընկնում բարձր ջերմային ֆոնով։ 2017 թվականի հուլիսի 29-ին Արարատյան դաշտում (մասնավորապես՝ Մեղրիի,Մեխակավանի կամ Երևանի ցածրադիր հատվածներում) օդի ջերմաստիճանը հասել էր +42,6 աստիճանի, ինչը համարվում է օդերևութաբանական պատմության մեջ դիտված ամենաբարձր ցուցանիշը։
Սուրենյանի խոսքով՝ նախորդ տարվա հուլիսի վերջին նույնպես բավականին շոգ եղանակ էր հաստատվել. հուլիսի 30-ից Արարատյան դաշտում ջերմաստիճանը հասել էր +40…+41 աստիճանի, իսկ ցածրադիր այլ հատվածներում՝ մինչև +41.5 աստիճանի։
Այս տարի առավելագույն ջերմաստիճանները գրանցվել են հուլիսի 26-ին Արարատյան դաշտում և Երևանի ցածրադիր գոտում՝ հասնելով +38…+39 աստիճանի, նշել է նա։
