The Wall Street Journal-ի տվյալներով՝ ԱՄՆ նախագահ Դոնալդ Թրամփի մոտեցումը Ուկրաինայի նախագահ Վլադիմիր Զելենսկու նկատմամբ վերջին շաբաթներին զգալիորեն բարելավվել է։
Փոփոխությունը պայմանավորված է մարտադաշտում տիրող իրավիճակով և անձնական շփումներով․ Թրամփը տպավորված է ուկրաինական ղեկավարության դիմակայությամբ և Ռուսաստանի տարածքին հասցվող հարվածներով։
Դրական ընկալման ձևավորմանը նպաստել են նաև միջազգային գագաթնաժողովների շրջանակում կայացած հանդիպումները, եվրոպական առաջնորդների ջանքերը, ինչպես նաև զրույցները բռնցքամարտիկ Ալեքսանդր Ուսիկի և հասարակական գործիչ Լորա Լումերի հետ։
Բացի այդ, Թրամփը սկսել է հատուկ հետաքրքրություն ցուցաբերել ուկրաինական անօդաչուների արդյունաբերության նկատմամբ, որի արդյունավետությունն ակնառու է դարձել Մերձավոր Արևելքի հակամարտությունների ֆոնին։
Սպիտակ տանը նշում են, որ նախագահը համակրանք ունի նրանց հանդեպ, ում համարում է «հաղթող», և այժմ Զելենսկին ավելի ու ավելի է համապատասխանում այդ կերպարին։