Քննարկմանը մասնակցում էին հայ հոգևոր-ձեռագրական կենտրոնների՝ Մայր Աթոռ Սուրբ Էջմիածնի, Մեծի Տանն Կիլիկիո կաթողիկոսության, Երուսաղեմի Հայոց պատրիարքության, Պոլսի Հայոց պատրիարքության, Մխիթարյան միաբանության, Զմմառու պատրիարքական կղերի միաբանության ներկայացուցիչները։
Հրավիրյալների թվում էին նաև Գալուստ Կիւլպէնկեան հիմնադրամի Հայ համայնքների բաժնի ղեկավար Ռազմիկ Փանոսյանը և Հիմնարար գիտական գրադարանի տնօրենի խորհրդական Տիգրան Զարգարյանը։
Քննարկումն ընդգրկել է հարցերի լայն շրջանակ՝ ձեռագրական հավաքածուների պահպանության համակարգի արդիականացում, թվայնացում և գիտական հետազոտություն։ Բոլոր կողմերը վերահաստատել են անվերապահ պատրաստակամությունը՝ շարունակելու արդեն իսկ իրականացվող համատեղ ծրագրերը և մշակելու առաջիկա գործողությունների ծրագիրը։