Պակիստանի հյուսիս-արևմուտքում գտնվող Խայբեր-Պախտունխվա նահանգում անցակետի մոտ տեղի ունեցած ահաբեկչական հարձակման հետևանքով զոհվել է առնվազն 14 մարդ:
Այս մասին հայտնել են անվտանգության աշխատակիցները։
Հարձակումը տեղի է ունեցել Տանկ շրջանում: Ավտոմեքենան, որը պայթել է, մեծ արագությամբ մխրճվել է անցակետի մեջ, որին հաջորդել է հզոր պայթյուն, որն ամբողջությամբ ոչնչացրել է օբյեկտը: Անվտանգության ուժերի տվյալներով՝ զոհվածների թվում են ինը զինվոր, չորս ոստիկան և անտառտնտեսության վարչության աշխատակից։
Վիրավորվել է առնվազն 24 մարդ, որոնց մեծ մասը զինվորներ են: Վիրավորները տեղափոխվել են հիվանդանոցներ: Փրկարարները շարունակում են մաքրել ավերակները, որոնցում, ենթադրաբար, գտնվում են ևս երեք զինվորներ։
Պայթյունից հետո անվտանգության ուժերը մաքրել են շրջակա տարածքը՝ սպանելով երեք զինյալի: Ոչ մի ծայրահեղական խմբավորում դեռևս պատասխանատվություն չի ստանձնել հարձակման համար: Հետաքննությունը շարունակվում է: