Երևանի քաղաքապետի նախաձեռնությամբ մեկնարկած «Արև Արենա» մանկապատանեկան ստեղծագործական ամառային ճամբարը համախմբել է շուրջ 260 երեխաների:
Անվճար հիմունքներով կյանքի կոչվող նախագիծն այս դարձել է ստեղծարարության, նոր գաղափարների, մշակութային շփումների և մանկական ժպիտների հարթակ՝ նպաստելով պատանի սերնդի գեղագիտական դաստիարակությանն ու մշակութային ակտիվ մասնակցությանը։
7-16 տարեկան երեխաների համար նախատեսդված ճամբարի կրթական ու ստեղծագործական ծրագիրը ներառում է՝
- երաժշտական և վոկալ պարապմունքներ,
- երգչախմբային աշխատանք,
- թատերական և դերասանական վարպետության դասեր,
- կերպարվեստի և կիրառական արվեստի աշխատարաններ,
- ստեղծագործական խաղեր և խմբային նախագծեր,
- հանդիպումներ մշակույթի և արվեստի ճանաչված գործիչների հետ, համերգներ, ցուցադրություններ և բաց դասեր, այցելություններ մշակութային օջախներ: