Իրանը տարածաշրջանում ոչ մեկին թույլ չի տա նավթ վաճառել, եթե Թեհրանն ինքը չունի դա անելու հնարավորություն, հայտարարել է Իսլամական Հանրապետության մեջլիսի նախագահ Մոհամմադ Բաղեր Ղալիբաֆը, փոխանցում է ՏԱՍՍ-ը։
«Տարածաշրջանում, որտեղ մենք նավթ չենք վաճառում, ոչ ոք նավթ չի վաճառի։ Եթե մեր անվտանգությունը չապահովվի, ոչ մի ենթակառուցվածք անվտանգ չի մնա, և նեղուցը կարող է պաշտպանվել միայն առանց ամերիկյան ուժերի», – գրել է նա։ Նա ընդգծել է, որ այս հակամարտության կարգավորումը հանգեցվել է «ամեն ինչ կամ ոչինչ» կանոնին։
