Հուլիսի 21-ին Լիբանանի նախագահ Ջոզեֆ Աունը Սպիտակ տանը կայացած հանդիպման ժամանակ իր ամերիկացի գործընկեր Դոնալդ Թրամփին ներկայացրել է Իսրայելի հետ սահմանին կայունությունն ամրապնդելու համապարփակ ծրագիր: Այս մասին լրագրողներին հայտնել է տեղեկատվության նախարար Փոլ Մորկոսը։
«Այս ծրագիրը ներառում է ամբողջ երկրի նկատմամբ պետական իշխանության ամրապնդման և սահմանային տարածաշրջանում ստեղծված իրավիճակին արձագանքման մեխանիզմի վերանայմանն ուղղված միջոցառումներ», – նշել է նախարարը։
Նրա խոսքով՝ նախագահը խնդրել է Թրամփին ճնշում գործադրել Իսրայելի վրա՝ համաձայնվելու օկուպացված տարածքներից զորքերի փուլային դուրսբերմանը՝ ընդգծելով նման քայլի կարևորությունը քաղաքական գործընթացի հաջողության համար։
Մորկոսը 2009 թվականից ի վեր առաջին լիբանանա-ամերիկյան գագաթնաժողովը անվանել է «պատմական»՝ նշելով, որ հանդիպումն ուղեկցվել է գործնական քայլերով, առաջին հերթին՝ Թրամփի խոստացած աջակցությամբ՝ Լիբանանի բանակի մարտունակության ամրապնդման և բարեփոխումների գործընթացի համար։