Հորդանանում գտնվող Մուվաֆաք Սալթի ավիաբազայի վրա Իրանի հրթիռային հարվածը, որի հետևանքով զոհվել էին երկու ամերիկացի զինծառայողներ, եղել են մարզադահլիճին, ինքնաթիռների անգարին և քնելու կացարանին։ Այս մասին հաղորդում է The Wall Street Journal-ը:
Հրապարակման համաձայն, առաջին հրթիռը հարվածել է բազայի մարզադահլիճին։ Չնայած ժամանակին միացված անվտանգության ազդանշանին, որը թույլ է տվել զինծառայողներին ապաստան գտնել բունկերներում, մի քանիսը վիրավորվել են։
Մի քանի ժամ անց երկրորդ հրթիռը հարվածել է դատարկ ինքնաթիռների անգարին։ Երրորդ հարվածը եղել է քնելու կացարանին։ Չնայած նախազգուշացման համակարգը կրկին հնչել է, ոչ բոլոր զինծառայողներին է հաջողվել հասնել ապաստարան։
Պենտագոնը հաստատել է Հավայան կղզիներից ավագ լեյտենանտի և Տեխասից շարքայինի մահը։ Մեկ այլ զինծառայող մնում է անհետ կորած։ Wall Street Journal-ի տվյալներով՝ պարզ չէ՝ զինծառայողները զոհվել են շենքի ներսում, թե՞ ապաստարան գնալու ճանապարհին։
Թերթը նշում է, որ այն փաստը, որ երեք հրթիռներ թափանցել են հակաօդային պաշտպանության համակարգ, կարող է վկայել տարածաշրջանում տեղակայված մոտ 50,000 զինծառայողների պաշտպանության հետ կապված խնդիրների մասին։