Երևանի «Նոան» շարունակում է համալրել կազմը։ Ինչպես հայտնում է ակումբի մամուլի ծառայությունը, թիմին է միացել 23-ամյա գանացի հարձակվող Բրայան Օդդեին։ Հայկական կողմը ֆուտբոլիստի տրանսֆերային իրավունքները գնել է սլովենական «Կոպերից»։
Գանացին իր պրոֆեսիոնալ կարիերան սկսել է իտալական «Սասուոլոյում»՝ հասցնելով հանդիպումներ անցկացնել Իտալիայի Ա Սերիայում։
Կարիերայի ընթացքում Օդդեին հասցրել է հանդես գալ նաև իտալական «Կրոտոնեում», խորվաթական «Ռուդեշում», սլովակական «Դունայսկա Ստրեդայում» և ֆիննական «ԿՏՊ»-ում։
Նոր թիմի կազմում 23-ամյա ֆուտբոլիստը հանդես կգա 98 համարի մարզաշապիկով։