Մարոնիներու Ռայի պատրիարքը երէկ Աննայայի Մար Մարուն վանքին մէջ Ս. Շարպելի տօնին առիթով իր մատուցած պատարագի քարոզին մէջ յայտնեց. «Մեր ընտրանքը խաղաղութիւնն է, եւ Լիբանան պէտք է ճշմարտութեան ուղին ընտրէ, եւ ոչ թէ` պատրանքներու»:
Ան անհրաժեշտ նկատեց աջակցիլ պետութեան հեղինակութիւնը եւ Լիբանանի գերիշխանութիւնը վերականգնող իւրաքանչիւր քայլի` շեշտելով, որ ամէն համաձայնութիւն, որ Լիբանանի գերիշխանութիւնը կը պահպանէ եւ անոր իրաւունքները կը պաշտպանէ, արժանի է աջակցութեան, եթէ բոլոր կողմերը պարտաւորուին կատարել իրենց պարտաւորութիւնները:
Ռայի պատրիարքը վերահաստատեց շրջագծային համաձայնագիրի լիարժէք գործադրութեան անհրաժեշտութիւնը` հաշուի առնելով, որ գործօն չէզոքութիւնը ազգային տարբերակ մըն է, որ կը համապատասխանէ Լիբանանի ինքնութեան ու առաքելութեան, կը պաշտպանէ զայն առանցքներու հակամարտութիւններէն եւ կը վերականգնէ անոր պատմական դերը: