Իրանը կարողացել է 5-6 մլրդ դոլարի նավթ վաճառել ԱՄՆ-ի հետ զինադադարի ժամանակահատվածում՝ օգտվելով նավահանգիստների աշխատանքի սահմանափակումների թուլացումից։ Ըստ գնահատականների՝ արտաքին շուկա է արտահանվել մոտ 70 մլն բարել նավթ, հայտնում է The Wall Street Journal-ը՝ հղում անելով ոլորտի վերլուծաբաններին։
WSJ-ի տվյալներով՝ հունիսի վերջից Մալայզիայի ափամերձ ջրեր է ժամանել մոտ 20 իրանական լցանավ: Թեհրանը կիրառում է պատժամիջոցները շրջանցելու սովորական սխեման. Մալայզիայի տարածքային ջրերից դուրս նավթը բեռնաթափվում է այլ նավերի վրա, ապա տեղափոխվում ավելի հեռու՝ այդ թվում Չինաստանի մասնավոր նավթավերամշակման գործարաններ։ Ըստ վերլուծաբանների՝ ասիական ջրերում իրանական նավերի թվի աճը մոտ ժամանակներս կարող է Թեհրանին ևս մի քանի միլիարդ դոլարի եկամուտ բերել։
Հիշեցնենք, որ հունիսի 18-ին ԱՄՆ-ն ու Իրանը փոխըմբռնման հուշագիր էին ստորագրել և դադարեցրել հարվածները։ Սակայն հուլիսի 8-ից երկրները վերսկսել են զինված դիմակայությունը. զինադադարը խախտվեց այն բանից հետո, երբ Վաշինգտոնը Իսլամական հեղափոխության պահապանների կորպուսին մեղադրեց Հորմուզի նեղուցում նավերի վրա հարձակումների մեջ: